திருவாரூர் நகரில் பாதாள சாக்கடைத் திட்டத்துக்குத் தோண்டப்பட்ட பள்ளங்களால் சாலைகளில் போக்குவரத்துக்கு இடையூறு ஏற்படுகிறது.​ எனவே,​​ இப்பள்ளங்களை உடனடியாக சீர்படுத்த வேண்டும் என நகராட்சிக்கு கோரிக்கை விடுக்கப்பட்டுள்ளது.​ திருவாரூரில் நடைபெற்ற மாவட்ட தமிழ்நாடு நுகர்வோர் பாதுகாப்பு மையத்தின் மாதாந்திர கூட்டத்தில் இதற்கான தீர்மானம் நிறைவேற்றப்பட்டது.

மேலும்,​​ பேருந்து நிலையம் மற்றும் தெருக்களில் சுற்றித்திரியும் மாடுகளை அப்புறப்படுத்த வேண்டும்.​ திருவாரூரிலிருந்து நாகை செல்ல பேருந்தில் ரூ.8.50-க இருந்த கட்டணம் திடீரென ரூ.10 -​ க உயர்த்தப்பட்டுள்ளது.​ ​ அரசு அறிவிப்புக்கு எதிராக அரசுப் போக்குவரத்துக் கழக நிர்வாகம் செயல்படுத்திய இந்த கட்டண உயர்வை உடனடியாக திரும்பப்பெற வேண்டும்.

திருவாரூர் நகரில் ஷேர் ஆட்டோ வசதியை ஏற்படுத்த வேண்டும்.​ பழைய ரயில் நிலையம் முதல் புதிய ரயில் நிலையம் வரையில் ஏற்கனவே ஒப்புக் கொண்ட சாலையை உடன் அமைத்துத்தர வேண்டும்.​ பயணிகளுக்கு பயன்படும் வகையில் பழைய ரயில் நிலையத்தில் பயணச்சீட்டு வழங்கும் மையத்தை அமைக்க வேண்டும். சென்னை மற்றும்​ கொல்லம் பகுதிகளுக்கு ரயில் போக்குவரத்தை உடனடியாகத் தொடங்க வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன.