சராசரி இந்தியரின் ஆண்டு வருமானம் 2008-09ல் ரூ.35430 லிருந்து ரூ.40141 ஆக ரூ.4711 ரூபாய் உயர்ந்துள்ளது. இந்த உயர்வு சதவீத அடிப்படையில் கணக்கிடும் பொழுது 13.3 சதவீதம் ஆகும். 2004-05ம் ஆண்டு நிலவிய விலைவாசி அடிப்படையில் கணக்கிட்டால் 2007-08ம் ஆண்டுக்கான வருமான உயர்வு 9.2 சதவீதமாகவும் 2008-09ம் ஆண்டுக்கான வருமான உயர்வு 6.7 சதவீதமாகவும் கணக்கிடப்பட்டுள்ளது.

மத்திய புள்ளிவிவர நிறுவனம் இந்த தகவல்களையும் புள்ளிவிவரங்களையும் வெளியிட்டுள்ளது. தற்போதைய விலைவாசியின் அடிப்படையில் கணக்கிட்டால் 2008-09ம் ஆண்டில் நாட்டின் உள்நாட்டு உற்பத்தியின் மொத்த மதிப்பு ரூ. 5228650 கோடி ஆகவும் 2007-08ம் ஆண்டுக்கான உள்நாட்டு உற்பத்தியின் மொத்த மதிப்பு ரூ. 4540987 கோடி ஆகவும் கணக்கிடப்பட்டுள்ளது.

தற்போதைய விலைவாசியின் அடிப்படையில் கணக்கிட்டால் 2008-09ம் ஆண்டுக்கான மொத்த தேசிய வருமானம் ரூ. 52,07,534 கோடி ஆகும். 2007-08ம் ஆண்டுக்கான மொத்த தேசிய வருமானம் ரூ. 4521099 கோடி. உயர்வு 15.2 சதவீதம். 2008-09ம் ஆண்டு பொருளாதார தேக்க நிலையின் பொழுது ஒட்டுமொத்த உள்நாட்டு உற்பத்தி 6.7 சதவீதம் உயரந்ததற்கு சில முக்கிய காரணங்கள் உள்ளன. கட்டுமானத் துறையில் ஏற்பட்ட வளர்ச்சி 5.9 சதவீதமாகவும், வர்த்தகம், ஹோட்டல்கள், ரெஸ்ட்ராண்டுகள் ஆகியவற்றின் வளர்ச்சி 5.3 சதவீதமாகவும் இருந்தது.