RSS Feed  

தூக்கத்திலும் மூளை வேலை செய்யுமாம் - ஆய்வறிக்கை


Brain active on sleep
அடியக்கமங்கலம், 21.09.2014: பாரிஸ் மற்றும் கேம்பிரிட்ஜ் சார்ந்த ஆராய்ச்சியாளர்கள் இணைந்து ஒரு ஆய்வினை மேற்கொண்டனர். இந்த ஆய்வில் கலந்து கொண்டவர்கள் விழித்திருக்கும் போது, சில சொற்கள் சொல்லப்பட்டு அந்த சொல் விலங்கு என்றால் வலது பக்கமிருக்கும் பொத்தானை அழுத்த வேண்டும் என்றும், பொருட்களாக இருந்தால் இடப்பக்கமிருக்கும் பொத்தானை அழுத்த வேண்டும் என்றும் தெரிவிக்கப்பட்டது.

இந்த சோதனையை பங்கேற்பாளர்கள் தூக்கத்தில் இருக்கும் போதும் ஆய்வாளர்கள் தொடர்ந்தனர். அதிசயத்தக்க வகையில் தூக்கத்திலும் பங்கேற்பாளர்கள், ஆய்வாளர்களின் சொல்லிற்கேற்ப சரியான பொத்தானை அழுத்தினார்கள். ஈஈஜி முறையில் மூளையின் செயல் பதிவு செய்யப்பட்டது. விழித்திருக்கும் போது செயல்பட்டதை விட சற்று கூடுதலாக நேரம் எடுத்து மூளை சொற்களை தரம்பிரித்தது தெரிய வந்துள்ளது.

தூங்கும் போது ஒருவரை பெயர் கூறினால் அவர் விழிப்பதும் மூளை தொடர்ந்து செயற்படுவதன் விளைவே என இந்த ஆய்வினை மேற்கொண்டவர்கள் தெரிவித்துள்ளார். விழித்திருக்கும் போது செய்யும் செயலினை ஒருவர் தூங்கும் போதும் செய்யலாம் என்பதை இந்த ஆய்வு உறுதி செய்திருப்பதாகவும் அவர் தெரிவித்துள்ளார். இந்த ஆய்வு பற்றிய விபரம் கரெண்ட் பயாலஜி என்ற பத்திரிகையில் வெளியாகியுள்ளது.

Abu Dhabi Party And Club




Feeds:   News Feed   World News Feed   Health News Feed   Science News Feed   Technology News Feed